ກະຊວງປ້ອງກັນປະເທດຈີນ ປຽບ ນາໂຕ ເປັນກົນຈັກສົງຄາມ
ສຳນັກຂ່າວສະປຸດນິກ ຣັດເຊຍ ລາຍງານວັນທີ 26 ມັງກອນນີ້ວ່າ: ກ່ອນໜ້ານັ້ນ, ທ່ານປະທານາທິບໍດີຣັດເຊຍ ວະລາດີເມຍ
ປູຕິນ, ກ່າວໃນໂອກາດສະຫຼຸບໝາກຜົນຂອງປີ 2023 ວ່າ: ປະເທດຕາເວັນຕົກພວມພະຍາຍາມຫັນການເຄື່ອນໄຫວຂອງ NATO
ໄປຍັງອາຊີ, ເພື່ອແກ້ໄຂວິກິດການຢູ່ທີ່ນັ້ນ ແລະ ສ້າງຕັ້ງບັນດາກຸ່ມການທະຫານ ແລະ ການເມືອງໃໝ່. ໂຄສົກກະຊວງປ້ອງກັນປະ
ເທດຈີນ ທ່ານ ອູ ສຽນ ກ່າວໃນກອງປະຊຸມສຳມະນາໃນ ວັນພະຫັດ ຜ່ານມາວ່າ: ອົງການ NATO ແມ່ນເຄື່ອງຈັກກົນສົງຄາມທີ່
ສາມາດຍ່າງໄປມາໄດ້, ພາໃຫ້ເກີດຄວາມບໍ່ສະຫງົບໄປທົ່ວທຸກ.
ທ່ານ ອູ ສຽນ ກ່າວຕື່ມວ່າ: ອີງຕາມຄຳຖະແຫຼງທີ່ບໍ່ເໝາະສົມຂອງເລຂາທິການໃຫຍ່ NATO ກ່ຽວກັບຈີນ. ໃນຖານະເປັນ
ອົງ ການການທະຫານໃນພາກພື້ນມະຫາສະໝຸດອັດລັງຕິກ, ນາໂຕ ໄດ້ເລີ່ມຕົ້ນ ແລະ ເຂົ້າຮ່ວມສົງຄາມນັບແຕ່ມື້ເລີ່ມຕົ້ນຕັ້ງອົງການ
ນີ້ເປັນຕົ້ນມາ. ນອກນັ້ນ, ໂຄສົກກະຊວງປ້ອງກັນປະເທດຈີນ ຍັງໃຫ້ຂໍ້ສັງເກດວ່າ: ໃນບໍ່ເທົ່າໃດປີທີ່ຜ່ານມາ, ກຸ່ມປະເທດ ພັນທະມິດ
ໄດ້ຫັນຈຸດສຸມໄປສູ່ພາກພື້ນອາຊີ-ປາຊີຟິກ ຢ່າງບໍ່ຢຸດຢັ້ງ, ໃນນັ້ນ ໄດ້ອ້າງວ່າ "ຈີນແມ່ນໄພຂົ່ມຂູ່"ຂອງພາກພື້ນ, ເຊິ່ງເປັນຍຸດທະວິທີ
ຂອງຕາເວັນຕົກ ເພື່ອຊຸກຍູ້ການປະທະກັນຂອງກຸ່ມ ແລະຄວາມໝັ້ນຄົງຂອງພາກພື້ນ.
ໂຄສົກກະຊວງປ້ອງກັນປະເທດຈີນຊີ້ອອກຕື່ມວ່າ: ຄວາມຈິງ “ຄວນເວົ້າໄດ້ວ່າ NATO ແມ່ນກົນໄກສົງຄາມ ແລະ ບ່ອນໃດກໍ
ຕາມທີ່ປະກົດຕົວມີກຸ່ມນີ້ຢູ່, ມັນນຳມາເຊິ່ງຄວາມບໍ່ເປັນລະບຽບຮຽບຮ້ອຍຢູ່ທົ່ວທຸກແຫ່ງ.
ແຫຼ່ງທີ່ມາ: ໜັງສືພິມກອງທັບ
ວັນທີ 29/01/2024